ಮಾತು ಬರೆದ ಹಾಡು

ಎಲ್ಲೋ ತೇಲಿಸುತ್ತಿದೆ
ಗಾಳಿ ತಂದ ಹಾಡು

ಏನೋ ನೋವು

ದಿಗಿಲಿಗೆ ಬಿದ್ದಿದೆ ಎದೆಯು

ನಾನೇನು ಹೇಳಿದೆನೋ

ಅವರೇನು ತಿಳಿದರೋ

ಗೋಡೆಯಾಗಿದೆ ಮನವು

ಏನೋ ಹೇಳುತ್ತಿದೆ

ರಾಗ ಹಿಡಿದ ಮಾತು

ಉಸಿರಿಗೆ ಬಡಿದ ಸ್ವರವೂ

ನಡೆದ ಹೆಜ್ಜೆನ್ನಿಡಿದು

ಕಳೆದೆ ಹಾಜರಿ ನೆನೆದು

ಕರೆದಿದೆ ಎದೆಪುಟಗಳ ತೆರೆದು

ತಡೆಯಿತೋ ಸ್ವಾಭಿಮಾನ

ಮುಚ್ಚಿದರೂ ಮುಚ್ಚದ ಪ್ರೀತಿ

ಎಬ್ಬಿಸಿತೋ ಲೋಕದ ನೀತಿ

ನುಗ್ಗಲಿ ಗಾಳಿ ಹಾಡು

ಎದೆಗೂ ಕಿವಿ ಬಂದು ಗುನುಗಿ

ತೆರೆದಿದೆ ಮನ ಇದೋ ಕ್ಷಮಿಸಿ

-ರವಿ ಮೂರ್ನಾಡು.