ಹೊಸ ವರುಷ !

ಹೇಗೆ ವರ್ಣಿಸುವಿರಿ-

ಅದೇ ಹೊಸ ವರ್ಷದ ಪ್ರಾಸಗಳು ?

ದೊರೆಯದಿರೆ ಸಾವಿರವಾಗಿ-

ಅದೇ ಪುನರಪಿ ಶಬ್ಧಗಳು !

ಹೊಸತು ಮುದ್ದಿಸಿ, ಹಳತು ತುಳಿದು-

ಕನಸು ಹುಟ್ಟಿಸುವೆವು |

ಗೊತ್ತಿದೆ, ಕನಸು ಕಂಡೆವು |

ಕುರುಡು ರಾತ್ರಿಗೆ ಮಲಗಿ ಬಿದ್ದು, 

ಎದ್ದು ನಿಲ್ಲುತಾ, ಬೆಳಕು ನಕ್ಕೆವು |

ವಿಶ್ವ ಚುಚ್ಚುವನಕ -

ಶಾಪ ಮುಟ್ಟುವನಕ -
ಬದುಕು ತಬ್ಬಿ 

ಹಕ್ಕಿ ಹಾರುವೆವು |

ಬದುಕಿ, ಪ್ರೀತಿಸುವೆವು-
ಗಂಡು-ಹೆಣ್ಣಾಗಿ ನಡೆದು-

ವಧುಗಳಂತೆ ಅಲಂಕರಿಸಿ,

ಬೀದಿಗೆ ಹೆಣ ನಡೆವೆವು |

ನಗುವೆವು, ಅತ್ತು ಕರೆದು-

ನಂಬಿ ಭಯಗೊಂಡೆವು |

ಅದು ಹೊಸ ವರ್ಷದ -

ಹೊಸ ತೊಂದರೆಗಳು !

-ರವಿ ಮೂರ್ನಾಡು

ಚಿತ್ರಕೃಪೆ:ಗೂತಲ್ ಅಂತರ್ಜಾಲ