ಗುರುವಾರ, ಏಪ್ರಿಲ್ 19, 2012

ಬೊಗಸೆ ಕನಸುಗಳು..!


ಚಿತ್ರ ಕೃಪೆ: ಗೂಗಲ್

ದಿನ ದಿನಕ್ಕೊಂದಷ್ಟು
ಕನಸುಗಳ ಬಾಚಿದ್ದೇನೆ
ಬೊಗಸೆಯೊಳಗೆ !

ನಿಲ್ಲಲಾರದ ಕೆಲವಷ್ಟು
ಪ್ರಾಣ ಬಿಡುತ್ತಿವೆ
ಚೆಲ್ಲಿ ಕಣ್ಣೆದುರೇ..!
ಒಂದಷ್ಟು ಬಾಯಾರಿ
ಒಣಗಿ ಬಿಸಿಲಿಗೆ..!
ಉಳಿದಷ್ಟು ಬೆರಳ ಸಂದಿಗೆ
ಕರಗಿ ಮಳೆಗೆ
ನದಿಯಾಗಿ
ಈಜಲಾಗದ ಕಡಲಿಗೆ !

ಕತ್ತಲಾಗುತ್ತಿದೆ....
ಬೊಗಸೆ ಕನಸುಗಳ
ಹುಡುಕಿ ಕುರುಡಾಗಿ  !
ಅವಶೇಷಗಳ ಲಾಲಿಸಿ
ಬೆಳಗಾಗಿದ್ದೇನೆ  !
ಅಂಗಳ ತುಂಬಾ ತುಂಬಿಸಿ
ಹುಟ್ಟಿವೆ ಜೀವಗಳು ಇನ್ನಷ್ಟು
ಮತ್ತಷ್ಟು ಬಾಚಿದ್ದೇನೆ !

ಬೊಗಸೆ ಕಿವಿಯೊಳಗೇ ..
ಉಸುರುತ್ತೇನೆ ....
 ಮತ್ತೇ ಹುಟ್ಟಿ ಬನ್ನಿ ಕನಸುಗಳೆ..!
ನಿಮ್ಮ ಅವಶೇಷಕೆ ಮಾತಾಗಿ
ಬರಲಿ ಜೀವಸೆಲೆ..!
-----------------------------------------------------------------------------------------------------
-ರವಿ ಮೂರ್ನಾಡು 

6 ಕಾಮೆಂಟ್‌ಗಳು:

  1. ಆಗಾಗ ಹುಟ್ಟಿ ವಿನಾಕಾರಣ ಸಾಯುವ ಕನಸುಗಳಿದೆಯಲ್ಲಾ, ಅವು ನೋಯಿಸುವ ಪರಿ ವರ್ಣನಾತೀತ!!!

    ಅವು ಕಾಡುವ ಹೊತ್ತೂ ಮತ್ತು ಅದರ ನೆನಪು ಸಹ, ಥೇಟ್ ಅವಳಂತೆಯೇ!!!

    ಪ್ರತ್ಯುತ್ತರಅಳಿಸಿ
  2. ಚೆನ್ನಾಗಿದೆ ಮೂರ್ನಾಡರೇ :-)
    >>"ದಿನ ದಿನಕ್ಕೊಂದಷ್ಟು
    ಕನಸುಗಳ ಬಾಚಿದ್ದೇನೆ
    ಬೊಗಸೆಯೊಳಗೆ !

    ನಿಲ್ಲಲಾರದ ಕೆಲವಷ್ಟು
    ಪ್ರಾಣ ಬಿಡುತ್ತಿವೆ
    ಚೆಲ್ಲಿ ಕಣ್ಣೆದುರೇ..!
    "<<
    ಇಷ್ಟವಾಯಿತು ..

    ಪ್ರತ್ಯುತ್ತರಅಳಿಸಿ
  3. ಆಗಾಗ ಬಂದು ಹೋಗುವ ಕನಸಗಳನ್ನು ಬೊಗಸೆಯೊಳಗೆ ತುಂಬಿಸುವ ಸುಂದವಾದ ಕವಿತೆ,ಇಷ್ಟವಾಯಿತು

    ಪ್ರತ್ಯುತ್ತರಅಳಿಸಿ