ಕನಸುಗಳು ಮಾರಾಟಕ್ಕಿವೆ..!

ನೀನೇನು ಕೊಟ್ಟೆ ನನಗೆ ?

ಎಷ್ಟೇ ಚೆಲ್ಲಿದರೂ

ಮುಗಿಯದ ದುಃಖ್ಖದ ಬಿಂದಿಗೆ !

ಮಗುಚಿದರೂ ಕೊನೆಯಿಲ್ಲದ

ನೆನಪಿನ ಹೊತ್ತಗೆ..!

ಒಂದು ಬದುಕಿನ ಕೂಗಿಗೆ

ನೀ ನಡೆದೆ ಹಗಲಿಗೆ

ಬಿಚ್ಚಿದರೂ ಬಿಚ್ಚದ ಗಂಟಿಗೆ

ನಾ ಬಂಧಿಯಾದೆ ರಾತ್ರಿಗೆ..!

ನೀನೇನು ಕಳೆದೆ ನನಗೆ ?

ಒಂದು ಹನಿ ಬೊಗಸೆಗೆ

ಹನಿ ನದಿಯಾಗಿ ನರನಾಡಿಗೆ

ಕಡಲಾಗಿ ನನ್ನೆದೆಗೆ...!

ನಿನ್ನೆರಡು ಕಂಗಳ ಕಾಂತಿಗೆ

ಒಲುಮೆ ಹಚ್ಚಿ ಹಣತೆಗೆ

ನೀನಿಟ್ಟ ಪ್ರೀತಿ ಬತ್ತಿಗೆ

ಕಂಬನಿ ತೈಲಕೆ

ಭಾವಗಳಿದೋ ಹರಾಜಿಗಿವೆ

ನಾಲ್ಕು ದಿನಗಳ ಬಾಳಿಗೆ

ಮನಸ್ಸು ಸಂತೆಯ ಭಿಕರಿಗೆ

ಕನಸುಗಳು ಬೆತ್ತಲೆಯಿದೆ..!

------------------------------------------------

-ರವಿ ಮೂರ್ನಾಡು