 |
| ರೇಖಾ ಚಿತ್ರ:ಎಂ.ಎಸ್.ಮೂರ್ತಿ |
ಬಿಸಿ ಬಿಡದಷ್ಟು ಮಡಿಲ ಪ್ರೀತಿ !
ಕಣ್ಣು ಬಂತು ಚಳಿಬಿಸಿಗೆ
ಆಕಳಿಸಿ ಮುಲುಕುಗಳು
ತೊಟ್ಟಿಕ್ಕಿದ ಹನಿಯಲ್ಲೂ
ತಿಕ್ಕಿ ಸಿಲುಕುಗಳು !
ಶ್ರಾವಣ ಬಂತೆಂದರೆ..
ಮುಚ್ಚಳಿಕೆಯೊಳಗೂ…
ಚಳಿಯನರಸುವ ಬಿಸಿ !
ಖಂಡ ಖಂಡವೂ ಅವನು
ಮಂಜುಗೆಡ್ಡೆ… ಹಗುರ
ಅವಳ ಖಂಡದ ಕೆಂಡಕೆ
ಕರಗಿ ಕಳೆವ ಭಾರ !
ಗಂಡೊಂದು ಅರ್ಧ
ಬಂದಾಗ….
ಇನ್ನರ್ಧ ಹೆಣ್ಣು ಕರಗಿದಾಗ
ಭೂಮಿ ದುಂಡಗಿದೆ
ಅರ್ಧಗಳು ಒಂದಾದಾಗ !
ಇಗೋ ಇಲ್ಲಿ ಭುವಿ
ಮೇಲೆ ಭಾನು
ಝಣ ಝಣ ಬಿಸಿಲು
ಜಿಟಿ ಜಿಟಿ ಮಳೆಗೆ
ತೊರೆ-ನೆರೆಯೆದ್ದ ನದಿ
ಹರಿದು ಜೀವದ ಹಸಿರು
ಎಲೆಗೆ ಹನಿ ಬೆವರು !
ತೊಟ್ಟಿಕ್ಕಿ ತೆನೆ ಪೈರು
ಗಾಳಿ ತೀಡಿ ಮುಂಗುರುಳು !
ಈಗ….
ತುಟಿಯಿಟ್ಟ ಮಗುವಿಗೆ
ಬಿಸಿ ಬಿಡದಷ್ಟು ಮಡಿಲ ಪ್ರೀತಿ !
-ರವಿ ಮುರ್ನಾಡು
ನಮ್ಮ ಹೆಸರು ಹಸಿರಿಲ್ಲದ ಬೆತ್ತಲು..!
ಬದುಕಲಾರೆ ದೊರೆಯೇ
 |
| (ಚಿತ್ರ ಕೃಪೆ:ಅವಧಿ ಮಾಗ್) |
ಹಸಿವಿದ್ದರೂ ನುಂಗಲಾರೆ
ಎದೆಯ ಕೆಳಗೆ !
ದಯೆಯಿದ್ದರೆ ಕೊಡಲಿಯಲಿ
ಕತ್ತರಿಸಿ ಬಿಡು
ನನ್ನ ಗಂಟಲು !
ಕೆಲಕ್ಕುರುಳಿದ ಮೇಲೆ
ಬಾಯ್ತೆರೆಯಲಾರೆ
ತೆರೆದರೆ...
ಸುರಿಸಿ ಬಿಡು
ಕೊಡಲಿ ನೆಕ್ಕಿದ ನೆತ್ತರು !
ಅಷ್ಟಷ್ಟು ಕಣ್ಬಿಟ್ಟ
ಮಾನದ ಪಕಳೆಗಳು
ಹಸಿರಿಲ್ಲದೆ ಸತ್ತಿವೆ
ನಮ್ಮ ಮಸಣದ ಹೆಣಕ್ಕೂ
ಹೆಸರು ಬೆತ್ತಲು !
-ರವಿ ಮೂರ್ನಾಡು,
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ